خراسان خبرونه: د بشري حقونو د څار سازمان ویلي، هغه افغان کومانډویان باید محاکمه شي، چې د میدان وردګو ولایت پر یوه روغتون د یوې شپنۍ چاپې پرمهال یې څلور ولسي وګړي وژلي دي.

د فرانسې د خبري اژانس له قوله څو عیني شاهدانو د چنګاښ د ۱۷مې شپې د پېښې په اړه سازمان ته د خپلو سترګو لیدلی حال ویلی دی.

په دې اړه د اژانس په رپوټ کې راغلي، چې ځانګړو ځواکونو د یوې کورنۍ مشر وواژه او وروسته یې د درېیو نورو کسانو لاسونه وتړل او له ځانه سره یې بوتلل، وروسته ددغو درېیو کسانو مړي، چې یو یې د روغتون کارکوونکی، بل یې د روغتون ساتونکی او درېیم یې د یوه ناروغ د کورنۍ غړی و، وموندل شول.

تر چاپې وروسته د میدان وردګو والي مظفر الدین یمین د خبریالانه ته ویلي وو، چې د دایمیرداد ولسوالۍ سیدانو تنګي کې شپني عملیات شوي او څلور روغتیايي کارکوونکي پکې وژل شوي.

د وردګو والي: د جلګې پر روغتون چاپه کې طبي کارکوونکي وژل شوي

'افغانستان کې سږ کال پر روغتیايي کارمنانو بریدونه ډېر شوي'

ننګرهار؛ واده کې "ځانمرګي۶ کسان ووژل او تر ۱۴ ټپیان کړل"

'د سویډن کمېټې روغتون کې درې کسان وژل شوي'

د بشري حقونو د څار سازمان د اسیا د چارو مشرې پاتریشا ګوسمن ویلي: "پر روغتیايي بنسټونو برید د جګړې له قوانینو سرغړونه ده او که عاملان یې مجازات نه شي، دا ډول وضعیت به دوام ومومي. د افغانستان حکومت باید هغه قومندانان او سرتېري تر عدلي څار لاندې ونیسي، چې د برید امر یې ورکړی او برید یې کړی."

تر اوسه د افغانستان د دفاع وزارت او په افغانستان کې مېشتو امریکايي ځواکونو د بشري حقونو د څار سازمان د دغې غوښتې لپاره غبرګون نه دی ښودلی.

تر اوسه څرګنده نه ده چې ایا په دې چاپه کې د افغان ځواکونو ملاتړي امریکايي ځواکونه هم ښکېل و او که نه.

افغانستان کې څو ځله پر روغتونونو بریدونه شوي، خو سږ کال دا د روغتیايي کارکوونکو لپاره خونړی برید و.

په ۲۰۱۶ کال هم په میدان وردګو کې د سویډن کمېټې له خوا پر اداره کېدونکي روغتون ورته برید وشو، چې د برید مسؤولیت پر نړیوالو ځواکونو واچول شو. په هغه برید کې درې کسان وژل شوي وو.

په میدان وردګو کې د سیدانو تنګي پر روغتون برید په قطر کې د طالبانو او له کابله د ورغلي پلاوي ترمنځ تر خبرو څو ساعته وروسته وشو، چې په پرېکړه لیک کې یې د ولسي وګړو د مرګ ژوبلې د مخنیوي غوښتنه کړې وه.

خراسان خبرونه: د دوشنبې پر ورځ (د جولای لومړۍ نېټه) د پاریس د فېشن په اوونۍ کې په لومړي ځل د کالیو یو افغان د ‌‌‌‌‌‌ډېزاینر برخه واخیسته. نوید الیاس ځاځی په اصل کې د افغانستان دی او د ‌‌‌‌‌‌جامو د ‌‌‌‌‌‌ډېزاینونو ټولګه یې د "ځاځی ډېزاین" په نامه نندارې ته وړاندې کړه.

۲۵ کلن نوید ۱۲ کاله مخکې له افغانستانه کډوال شوی او اوس هالنډ کې ژوند کوي. د ده په لاس د ‌‌‌‌‌‌ډېزاین شویو کالیو پيغام نړیوالو ته د افغانو ښځو د ژوند د بېلابېلو اړخونو ورپېژندل وو.

نوید خپلې ټولګې ته د "ځواک" نوم ورکړی و. نوموړی وایي، غواړي نړیوالو ته د افغان ښځو ځواک او غښتلتیا ور وپېژني چې د ‌‌‌‌‌‌ډېرو ناخوالو او تاوتریخوالي سره سره ماته نه مني او په ټولنه کې په ویاړ ونډه اخلي.

له خراسان سره خبرو کې نوید وویل، پلرنی ټاټوبی یې افغانستان ورته له هر څه لومړیتوب لري.

نوید الیاس وایي افغان مېرمنې له ټولو ناخوالو سره سره ځواکمنې دي

نوموړی وایي، په دې خبره ویاړي چې لومړی افغان دی چې ویې کولی شول د پاریس فېشن اوونۍ کې د خپل لاس هنر نندارې ته وړاندې کړي.

د دوشنبې ورځې نندارتون کې د نوید ځاځي تر څنګ شپږو نورو ‌‌‌‌‌‌ډېزاینرانو هم برخه اخیستې وه او د دوی ټولو د جامو ټولګه د "نا ویل شویو کیسو" په نوم یادېده.

هر ‌‌‌‌‌‌ډېزاینر په خپلو جوړو کړیو جامو کې د بېلې موضوع انځور نندارې ته وړاندې کړی و.

نوید وايي په روښانه راتلونکي باور لري او بهر کې مېشتو افغان ځوانانو ته یې پيغام دا دی چې زدکړې وکړي او هڅه وکړي په هر څه کې خپل هېواد افغانستان او ارزښتونو ته یې لومړیتوب ورکړي.

د ده په وینا، افغان ځوانان باید بهرنیو هېوادونو کې له شته فرصتونو ګټه پورته کړي چې خپل او د خپل هېواد راتلونکی روښانه کړي.

نوید خپلې د کالیو ټولګې ته د ځواک نوم ورکړی و

د فرانسې او د پاریس د فېشن اوونۍ په کال کې دوه ځلې کېږي چې پکې د پسرلي او اوړي جامې او د مني او ژمي فېشن او جامې نندارې ته وړاندې کېږي.

د کارپوهانو په وینا د پاریس د فېشن اوونۍ د نورو درېیو ښارونو، یعنې د لندن فېشن اوونۍ، میلان فېشن اوونۍ او نیویارک له فېشن اوونۍ ډېره مشهوره او لویه ده.

'دودیزې څپلۍ 'چوَوټ' اوس هم ډېر مینه وال لري'

پاکستان کې د ۲۰۱۸ کال فېشن اونۍ

اندونیزیا کې د اسلامي فېشن فسټیوال

۲۵ کلن نوید (تور کمیس کې) افغانستان کې زېږېدلی او اوس هالنډ کې اوسي

هر کال په سلګونو د کالیو ‌‌‌‌‌‌ډېزاینر او د سینکار هنرمندان د پاریس ښار بېلابېلو نامتو ودانیو کې د جامو د نندارتونونو لپاره راغونډېږي.

د موډ او فېشن په نړۍ کې تر ټولو مشهور نومونه لکه دیور، لویي وېتان، ګوچي، ارماني او داسې نور د خپلو جامو کلني نوي دیزانونه دې نندارې ته وړاندې کوي.

خراسان خبرونه: د دوشنبې پر ورځ (د جولای لومړۍ نېټه) د پاریس د فېشن په اوونۍ کې په لومړي ځل د کالیو یو افغان د ‌‌‌‌‌‌ډېزاینر برخه واخیسته. نوید الیاس ځاځی په اصل کې د افغانستان دی او د ‌‌‌‌‌‌جامو د ‌‌‌‌‌‌ډېزاینونو ټولګه یې د "ځاځی ډېزاین" په نامه نندارې ته وړاندې کړه.

۲۵ کلن نوید ۱۲ کاله مخکې له افغانستانه کډوال شوی او اوس هالنډ کې ژوند کوي. د ده په لاس د ‌‌‌‌‌‌ډېزاین شویو کالیو پيغام نړیوالو ته د افغانو ښځو د ژوند د بېلابېلو اړخونو ورپېژندل وو.

نوید خپلې ټولګې ته د "ځواک" نوم ورکړی و. نوموړی وایي، غواړي نړیوالو ته د افغان ښځو ځواک او غښتلتیا ور وپېژني چې د ‌‌‌‌‌‌ډېرو ناخوالو او تاوتریخوالي سره سره ماته نه مني او په ټولنه کې په ویاړ ونډه اخلي.

له خراسان سره خبرو کې نوید وویل، پلرنی ټاټوبی یې افغانستان ورته له هر څه لومړیتوب لري.

نوید الیاس وایي افغان مېرمنې له ټولو ناخوالو سره سره ځواکمنې دي

نوموړی وایي، په دې خبره ویاړي چې لومړی افغان دی چې ویې کولی شول د پاریس فېشن اوونۍ کې د خپل لاس هنر نندارې ته وړاندې کړي.

د دوشنبې ورځې نندارتون کې د نوید ځاځي تر څنګ شپږو نورو ‌‌‌‌‌‌ډېزاینرانو هم برخه اخیستې وه او د دوی ټولو د جامو ټولګه د "نا ویل شویو کیسو" په نوم یادېده.

هر ‌‌‌‌‌‌ډېزاینر په خپلو جوړو کړیو جامو کې د بېلې موضوع انځور نندارې ته وړاندې کړی و.

نوید وايي په روښانه راتلونکي باور لري او بهر کې مېشتو افغان ځوانانو ته یې پيغام دا دی چې زدکړې وکړي او هڅه وکړي په هر څه کې خپل هېواد افغانستان او ارزښتونو ته یې لومړیتوب ورکړي.

د ده په وینا، افغان ځوانان باید بهرنیو هېوادونو کې له شته فرصتونو ګټه پورته کړي چې خپل او د خپل هېواد راتلونکی روښانه کړي.

نوید خپلې د کالیو ټولګې ته د ځواک نوم ورکړی و

د فرانسې او د پاریس د فېشن اوونۍ په کال کې دوه ځلې کېږي چې پکې د پسرلي او اوړي جامې او د مني او ژمي فېشن او جامې نندارې ته وړاندې کېږي.

د کارپوهانو په وینا د پاریس د فېشن اوونۍ د نورو درېیو ښارونو، یعنې د لندن فېشن اوونۍ، میلان فېشن اوونۍ او نیویارک له فېشن اوونۍ ډېره مشهوره او لویه ده.

'دودیزې څپلۍ 'چوَوټ' اوس هم ډېر مینه وال لري'

پاکستان کې د ۲۰۱۸ کال فېشن اونۍ

اندونیزیا کې د اسلامي فېشن فسټیوال

۲۵ کلن نوید (تور کمیس کې) افغانستان کې زېږېدلی او اوس هالنډ کې اوسي

هر کال په سلګونو د کالیو ‌‌‌‌‌‌ډېزاینر او د سینکار هنرمندان د پاریس ښار بېلابېلو نامتو ودانیو کې د جامو د نندارتونونو لپاره راغونډېږي.

د موډ او فېشن په نړۍ کې تر ټولو مشهور نومونه لکه دیور، لویي وېتان، ګوچي، ارماني او داسې نور د خپلو جامو کلني نوي دیزانونه دې نندارې ته وړاندې کوي.

خراسان خبرونه: چارواکي وايي، د طالبانو والي په یوه هوايي برید کې وژل شوی دی ( ارشیف تصویر)

د افغانستان دفاع وزارت وایي، لوګر کې یې د طالبانو د والي په ګډون د هغوی یوشمېر لوړپوړي کسان او بهرني قومندانان وژلي دي. دوی وایي، د طالبانو والي حاجي لالا او ملګري یې تېره شپه په څرخ ولسوالۍ کې د ځانګړو ځواکونو په هوایي برید کې وژل شوي دي.

بل لور ته د وسله والو طالبانو یوه ویاند ذبیح الله مجاهد رسنیو ته په یوه استولي پیغام کې د چارواکو دغه ادعا دروغ بللې او رد کړې یې ده.

د دفاع وزارت ویاند روح الله احمدزي خراسان ته وویل، دغه برید کې د طالبانو والي حاجي لالا سره یو ځای د هغه دوه مرستیالان او د لوګر، غزني، خوست، پکتیا او کابل لپاره د طالبانو د استخباراتو مسئول وژل شوی دی.

''د افغان ځواکونو د هوایي عملیاتو په پایله کې لوګر کې د طالبانو والي حاجي لالا، مرستیالان یې بریالی او فریدون وژل شوي دي، دوی سره ځینې نور کسان هم و، یو هغه مولوي شمس الرحمان و چې د پنځو ولایتونو استخباراتي مسئول و، حکمتیار، شجاع او روف د دوی بهرني قومندان هم برید کې وژل شوي. ''

دفاع وزارت یوه ۱۶ ثانیې ویډیو هم خپره کړې چې ښيي له الوتکې یو کور په نښه کېږي او بیا وروسته د برید له سیمې لوګي پورته کېږي.

دوی ادعا کوي چې دا لوګر کې پر طالب چارواکو دبرید ویډیو ده.

څرخ د پل علم ښار جنوب لویدیځ کې پرته د لوګر له ناامنو ولسوالیو څخه یوه ده چې ځنګلونو او پیچلو لارو یې دا سیمه طالبانو ته په نسبتاً ارام ځای بدله کړې ده.

پخوا هم څو ځله په دغې ولسوالۍ کې پر طالبانو عملیات شوي چې د لوګر د چارواکو په خبره چیچنیایي او پاکستاني طالبان هم په کې وژل شوي یا نیول شوي دي.

لوګر کې د "طالبانو د والي په ګډون ۱۳" تنه وسله وال وژل شوي

د هلمند لپاره د طالبانو والي ملا منان هوایي برید کې وژل شوی

"کندوز لپاره د طالبانو نومول شوی والي وژل شوی"

دغه ولایت کې چارواکي په دې نظر دي چې بهرني طالبان کورنیو هغو ته جنګي روزونه ورکوي او د ماینونو د ایښودو او جوړیدو لارې چارې ور ښيي.

د تاوتریخوالي په پیښو کې بیا وسله والو طالبانو د دایکنډي په کجران ولسوالۍ کې ۸ پولیس وژلي او ۱۶ نور یې ټپیان کړي دي. د دایکندي والي سید انور رحمتي دخراسان ته وویل چې دغه پولیس د دوی پر پوستو د طالبانو د برید په پایله کې وژل شوي.

لوګر چارواکي په دې نظر دي چې بهرني طالبان کورنیو هغو ته جنګي روزونه ورکوي او د ماینونو د ایښودو او جوړیدو لارې چارې ور ښيي.

ښاغلی رحمتي وایي چې ځوابي ډزو کې اته طالبان هم وژل شوي دي. طالبانو ویلي چې دایکندي کې یې د پولیسو درې پوستې نیولي دي.

افغان حکومت او طالبان یو پر بل د خونړیو ګزارونو خبره داسې مهال کوي چې ټاکل شوې سبا د قطر پلازمېنه دوحه کې امریکایي او طالب مرکچیان د اوم ځل لپاره خبرو ته سره کېني.

همدا اونۍ د امریکا د بهرنیو چارو وزیر مایک پامپیو کابل ته د خپل ناڅاپي سفر پر مهال وویل، هڅه یې داده چې تر سپتمبرمیاشتې پورې له طالبانو سره یوه جوړجاړي ته سره ورسیږي.

صفحه1 از11

ارتباط با خراسان نیوز

ایمیل ادرس : khorasannewsinfo@gmail.com

آخرین پست ها